A adquisición da presente entrada outorga á persoa que a adquire un título nominativo, que lle permite acceder aos recintos de espectáculos musicais onde se celebrarán os concertos do Festival os días 18 – 20 de XULLO de 2025, ou os días seleccionados ao realizar a compra. A entidade resérvase o dereito para poñer á venda entradas diferentes ás consideradas nas presentes condicións, previa publicación destas por este mesmo medio.
En caso de crise sanitaria provocada por COVID-19 ou outra enfermidade contaxiosa a Organización pode verse obrigada a implementar medidas excepcionais diferentes ás reflictidas nas seguintes condicións xerais coa finalidade de preservar a seguridade e saúde das e dos asistentes ao Festival 17º Ribeira Sacra. Estas condicións poderán sufrir en calquera momento variacións como consecuencia das indicacións que poidan ser establecidas polas autoridades competentes. Neste suposto, serán notificadas pola Organización aos compradores das entradas a través da dirección de correo electrónico facilitada ao realizar a compra.
O contrato polo que se adquire a entrada rexerase polas seguintes condicións xerais:
A adquisición da entrada para o Festival supón a aceptación das seguintes Condicións Xerais de Uso, ofrecidas por DEZASETE GRADOS SL (en adiante a Organización/promotora), con CIF B94173853, domiciliada en Avda Luis González Taboada, Nº1 – 4º – 36500 Lalín (Pontevedra).
A Organización resérvase o dereito para alterar ou modificar o programa do evento, ou suspender ou alterar calquera das actividades e actuacións propostas no cartel.
A persoa usuaria terá dereito á devolución do prezo da entrada e abono, despois da reclamación e de acordo con estas condicións de venda, nos supostos seguintes:
Poderase exercer o dereito a devolución ata 3 días despois de que suceda o feito causante do dereito a devolución por medio de reclamación dirixida á organización a través dos medios establecidos no aviso legal deste mesmo sitio web.
Non dará dereito a devolución a denegación de entrada ou expulsión do recinto por incumprimento das presentes condicións e/o disposicións legais de aplicación.
Durante o proceso de compra, o/a comprador/a terá que indicar os nomes, apelidos e número de teléfono de cada unha das persoas que acudan ao concerto con cada entrada adquirida. As entradas son nominais: a persoa que veña reflectida na entrada non poderá ser outra persoa diferente á asistente ao evento. Para ese efecto poderáselle requirir o D.N.I. ou pasaporte para acreditar a súa identidade á hora de acceder ao recinto onde se celebran os concertos.
As entradas poderanse adquirir unicamente nas canles de venda autorizadas pola Organización, a saber, festivalribeirasacra.com e non se fará responsable das entradas que non se adquiran mediante estas canles de venda. Toda entrada física ou electrónica duplicada, danada/alterada ou con indicios de falsificación, autorizará á Organización a impedir ao seu portador o acceso ao recinto, así como a tomar as medidas legais pertinentes contra o titular da mesma, que asume toda a responsabilidade no caso de pretender acceder ao recinto cun título non válido.
Con respecto a isto, infórmase da realización de controis electrónicos de seguridade á entrada do recinto con tecnoloxía de lectura de detección de entradas fraudulentas. A admisión queda supeditada ao feito de dispoñer da entrada completa e en boas condicións.
Para entrar ao recinto deberás amosar a túa entrada ou arquivo electrónico que a incorpore para a súa verificación. Deberás identificarte con DNI no caso de que a organización o solicite.
A entrada debe de ser trocada por unha pulseira nos despachos de billetes situados xunto á entrada ao recinto. A pulseira cashless é o único acceso válido tanto para o recinto dos concertos como para a zona de acampada (en caso de ter adquirido esta opción), así como o único método de pago admitido no festival. Esta pulseira é persoal e intransferible: non se poderán retirar pulseiras para outras persoas. A organización colocará a pulseira á persoa usuaria final, que se fai responsable de validar que estea correctamente pechada e de conservala en todo momento en perfecto estado. É resistente, pero non é irrompible. Baixo ningún concepto, e ata que termine o Festival, quites a túa pulseira, xa que rompería e perderías o teu dereito para acceder ao recinto. A perda, manipulación ou rotura desta pulseira será penalizada coa expulsión inmediata do recinto. En ningún caso se cambiará unha pulseira en mal estado por outra nin se repoñerá unha pulseira perdida.
A entrada, e a súa pulseira asociada, non darán dereito ao acceso a servizos ou partes do recinto ás que a entrada ou pulseira non dea acceso.
A Organización non se fai responsable de calquera furto, roubo, dano ou outra actuación delituosa que se poida ocasionar dentro do recinto de concertos ou de calquera outro recinto habilitado pola organización.
A revenda de entradas sen autorización da empresa organizadora é contraria á lei e será obxecto das accións legais que correspondan contra as persoas responsabeis de vendas non autorizadas de entradas.
A Organización resérvase o dereito de admisión, segundo a lexislación vixente.
As condicións de acceso e permanencia no recinto están suxeitas á normativa vixente en materia sanitaria para previr os contaxios en caso de epidemia/pandemia, tal e como foi explicado anteriormente, e poden sufrir modificacións en función da aprobación de novas normas que modifiquen as condicións vixentes no momento da adquisición da entrada.
Para garantir a seguridade de todos/as os/as asistentes, a quen non cumpra coas normas de seguridade obrigaráselle a abandonar o recinto.
As persoas que vaian acceder ao recinto de concertos polos accesos sinalados pola Organización poderán ser rexistradas. O rexistro será realizado por persoas legalmente habilitadas e cumprindo coas disposicións legais en materia de control de accesos a recintos de pública concorrencia.
A seguridade do público e dos/as profesionais que traballan no Festival 17º Ribeira Sacra é unha prioridade para a Organización. Para evitar riscos para a integridade das persoas e para a seguridade alimentaria, establécense as seguintes normas sobre introdución de obxectos, de comidas e de bebidas no festival:
A venda de comidas e bebidas é parte integral da experiencia do festival, onde se garanten a calidade e seguridade alimentaria dos produtos e servizos proporcionados ao público, estando suxeita, ademáis,a obrigas contractuais da Organización en canto á imaxe de marca das empresas proveedoras, formando parte dos seus rendementos de explotación.
Polo motivo expostos, non se permitirá o acceso ao recinto con comidas e bebidas agás:
A organización permitirá a entrada e saída a vontade do recinto para que os asistentes poidan acceder a alternativas diferentes das que proporciona a organización.
En cumprimento do disposto no Real Decreto 2816/1982, e da Lei do Parlamento de Galicia 11/2010, a Organización do Festival 17º Ribeira Sacra estabelece as seguintes normas de acceso para menores de idade.
En cumprimento da normativa vixente, a Organización estabelece as seguintes normas xerais para as e os menores de idade dentro do recinto de concertos.
A Organización do evento poderá denegar o acceso ou ben expulsar do recinto a quen incumpra as presentes Condicións Xerais de Uso, a quen desatenda as indicacións do persoal da Organización e de Seguridade e a quen provoque unha situación de risco para si mesmo ou para as outras persoas asistentes ao evento: manifestando actitudes violentas, portando drogas ou mostrando síntomas de consumilas, atopándose en estado de intoxicación aparente ou potencial, dificultando o desenvolvemento normal do evento, introducíndose en espazos de acceso restrinxido pola Organización, etc, responsabilizándose persoalmente ao portador, en todos os casos, polas súas propias accións e omisións cando estas provoquen lesións a terceiros ou danos materiais.
Todo intento de estafa, violación, subtracción, roubo, así como os danos á propiedade persoal causados directa ou indirectamente á Organización, artistas ou empregados da mesma autorizan a esta a emprender as medidas legais, tanto civís como penais, que estime oportunas contra os causantes.
O público asistente poderá aparecer DE XEITO INCIDENTAL* en imaxes tomadas por diferentes medios de comunicación, a Organización, terceiros autorizados por esta ou calquera artista para a súa posterior difusión, consintindo expresamente un uso promocional e/ou comercial das imaxes captadas. A asistencia ao evento supón a aceptación de que se faga uso, de forma gratuíta e sen contraprestación algunha, da súa voz, imaxe e nome en retransmisións televisivas, radiofónicas ou redes sociais, ao vivo ou en diferido, en vídeo, en fotografías ou calquera outro medio ou soporte presente ou futuro.
*Enténdese por toma incidental de imaxes de unha persoa toda gravación de imaxes de unha persoa realizada co gallo dunha gravación de imaxes de grupo, paisaxes e outras semellantes que, inclúan a imaxe dunha ou máis persoas, que aparezan de modo aleatorio e non predeterminado co obxecto de documentar eventos ou informar sobre acontecementos de actualidade, sen que o propósito da gravación sexa a fixación da imaxe da persoa ou persoas que nela aparecen, de xeito que, eventualmente, esta persoa ou persoas poidan ser recoñecibles en función de como sexa a súa imaxe fixada.
O público asistente recoñece e acepta que a Organización ostenta e é titular de todos os dereitos de propiedade intelectual, industrial e calquera outros, incluídos os de imaxe, derivados, directa ou indirectamente, das representacións artísticas ou calquera outras que tivesen lugar co gallo da celebración do festival, sen limitación territorial nin temporal, e sen ningunha outra limitación máis que as dispostas na vixente Lei de Propiedade Intelectual.
Para acceder con cámaras de uso profesional, será obrigatorio contar cunha autorización da promotora, así como unha acreditación do departamento de prensa da Organización. Podes contactarnos aquí para solicitala.
A posesión desta entrada non outorga o dereito ao seu posuídor ou a terceiros a utilizar a mesma, ou o seu contido, con finalidades publicitarias, de marketing, revenda ou de promoción (incluídos os concursos, agasallos e /ou sorteos). O incumprimento deste punto, sen autorización expresa e fidedigna da Organización, obrigará ao anunciante e/ou usuario non autorizado a facer efectiva unha penalización equivalente a mil veces o prezo da entrada máis elevada do evento, sen prexuízo de posteriores reclamacións por danos e prexuízos xerais. Asi mesmo, queda anulada a licenza incorporada na presente.
De conformidade co disposto na Ley Orgánica 15/1999, de 13 de decembro, de Protección de Datos de Carácter Persoal, os datos facilitados tanto en web como na plataforma de compra de entradas serán comunicados á Organización para a xestión do evento e dos seus clientes.
A Organización resérvase a facultade de modificar as presentes Condicións Xerais previa publicación das mesmas por este mesmo medio, sendo responsabilidade da persoa usuaria a súa debida lectura no momento de cada acceso e/ou utilización. Calquera reclamación deberase acompañar, de xeito obligatorio, coa presentación da entrada.